Лиссабоннинг «Спортинг» клуби ҳужумкор ярим ҳимоячиси Франсишку Тринкан «Ливерпуль»нинг қизиқишлари доирасига тушди.

26 ёшли футболчига яқиндагина Рубен Аморимни бош мураббий этиб тайинлаганини эълон қилган «Милан» клуби ҳам даъвогарлик қилмоқда. Transfer News Live нашрининг Correio da Manhã'га таяниб хабар беришича, Англия гранди ҳам Португалия терма жамоаси ўйинчиси учун курашга қўшилган.

Франсишку Тринканинг шартномасида 60 миллион евро миқдорида товон пули кўрсатилган, бироқ «Спортинг» катта эҳтимол билан бироз камроқ — тахминан 50 миллион евро талаб қилади. Ҳозирча на «Милан» ва на «Ливерпуль» Лиссабон клуби юлдузи бўйича расмий таклиф билан чиққани йўқ.