АҚШ терма жамоаси бош мураббийи Маурисио Почеттино Жаҳон чемпионати гуруҳ босқичи 2-туридан ўрин олган Австралияга қарши ўйин олдидан ўз кутилмалари билан ўртоқлашди. Учрашув 19 июнь куни бўлиб ўтади.
«Бу жуда тажовузкор ва яхши ташкил этилган жамоа. Туркия учун уларга қарши вазиятлар яратиш ўта қийин бўлди. Австралияликлар тўпни қайтариб олишлари билан зудлик билан ҳужумга ўтишади. Уларнинг ҳужум чизиғида жуда тезкор футболчилар бор», — дея таъкидлади Почеттино.
Мураббий, шунингдек, Австралия терма жамоаси устози Тони Поповичнинг ишини ҳам юқори баҳолади.
«Мен учун энг муҳими — уларнинг менталитети. Менга мураббийнинг иши ёқади, у билан гаплашдим ҳам. У ўз қилаётган ишига тўлиқ ишонадиган жамоа шакллантира олган. Бундай рақибларга қарши ўйнаш доимо қийин», — деди Почеттино.
Ушбу учрашувдаги ғалаба Америка терма жамоасига Жаҳон чемпионатининг плей-офф босқичи йўлланмасини муддатидан олдин кафолатлайди.
