Америка Қўшма Штатлари терма жамоаси биринчи бўлимнинг ўзидаёқ австралияликлар дарвозасига иккита гол урди ва гуруҳ босқичи 2-туридан ўрин олган учрашувни ҳеч қандай муаммосиз ғалаба билан якунлади.
Кенгурулар юрти вакиллари томонидан кўрсатилган қўпол ўйин уларга ҳисобни тенглаштиришда ёрдам бермади — аммо бу жорий жаҳон чемпионатида сариқ карточкалар бўйича рекорд ўрнатилишига олиб келди, улар жами етти марта кўрсатилди. Америка терма жамоаси футболчилари уч бор, австралияликлар эса тўрт бор «сариқ қоғоз» билан жазоланишди. Шунга қарамай, майдондан четлатишлар кузатилмади, бу эса жорий жаҳон чемпионати учун анча ноодатий ҳолдир.
Эндиликда икки турдан сўнг америкаликларда олти очко, австралияликларда эса уч очко мавжуд.
