Португалия терма жамоаси ҳужумчиси Криштиану Роналду ўзининг ижтимоий тармоқлардаги саҳифасида янги пост жойлаштирди. 41 ёшли футболчи миллий терма жамоадаги шериклари билан тушган суратини улашиб, унга икки оғиз сўз билан изоҳ берди.
«Ҳар доим бирдаммиз», — деб ёзиб қолдирган юлдуз ҳужумчи ўз хабарида.
Жаҳон чемпионати-2026 гуруҳ босқичининг илк турида Португалия терма жамоаси кутилмаганда Конго ДР билан дуранг (1:1) ўйнаган эди. Ўша учрашувда Роналду самарали ҳаракатлари билан ажралиб тура олмади.
Роберто Мартинес шогирдлари мундиалдаги навбатдаги баҳсни Ўзбекистон миллий терма жамоасига қарши ўтказишади. Учрашув 23 июнь санасида бўлиб ўтади.
