Жаҳон чемпионати "E" гуруҳи 2-туридан ўрин олган Эквадор ва Кюрасао ўртасидаги баҳсда голлар урилмади — 0:0.

Учрашув давомида Эквадор тўлиқ устунлик қилди ва кўплаб голли вазиятлар яратди. Айниқса, Эннер Валенсия бир неча бор ҳисобни очиш имкониятига эга бўлди, аммо Кюрасао дарвозабони Элой Ром жуда ишончли ҳаракат қилди. У рақибнинг кўплаб хавфли зарбаларини бартараф этиб, жамоасини мағлубиятдан сақлаб қолди.

Кюрасао ҳам қарши ҳужумларда хавфли вазиятлар яратди. Леандро Бакуна ва Комененсиянинг зарбаларини Эквадор посбони Галиндес қайтарди.

Натижада Кюрасао ўз тарихидаги Жаҳон чемпионатларидаги илк очкосини қўлга киритди. Икки турдан кейин Эквадор ҳали ҳам гол ура олмаган бўлса-да, плей-оффга чиқиш имкониятини сақлаб қолмоқда. Кюрасао ҳам сўнгги тур олдидан назарий имкониятларга эга.

Жаҳон чемпионати-2026. E гуруҳи, 2-тур
21 июнь. Канзас-Сити, "Эрроухед Стэдиум"
Эквадор — Кюрасао — 0:0
Бош ҳакам: Ма Нинг (Хитой).
Энг яхши футболчи: Элой Ром (Кюрасао).