Германиянинг «РБ Лейпциг» клуби «Ливерпуль» ва «ПСЖ» жамоалари жиддий даъвогарлик қилаётган вингер Ян Диомандени сотишга шошилмаяпти.

Англия гранди бу борада анча қатъий қарорга келган ва 19 ёшли порлоқ юлдуз учун аллақачон 100 миллион евро таклиф қилиб улгурганди, бироқ немислар буни рад этишди. Bild нашри тарқатган маълумотларга кўра, Лейпциг клуби раҳбарияти парижликлар улардан кўра анча фойдалироқ ва каттароқ молиявий шартлар таклиф қилишини кутмоқда. «Қизил буқалар»нинг талаби эса ўзгаришсиз қолмоқда — улар ивуарлик иқтидор эгасини камида 120 миллион евро эвазига қўйиб юборишга тайёр.

Ҳозирги вақтда «ПСЖ» Диоманденинг вакиллари билан дастлабки музокараларни ўтказиб бўлган, бироқ «РБ Лейпциг» клубига ҳали расмий сўров юборилгани йўқ. «Ливерпуль» эса, мавжуд маълумотларга кўра, яқин соатлар ичида немисларга иккинчи, яхшиланган таклифни юбориш ниятида.