«Реал»нинг собиқ вингери Гарет Бэйл футболнинг тактик эволюцияси ҳақидаги кузатувлари билан ўртоқлашди. Унинг сўзларига кўра, ҳозирги кунда ёрқин ўйинчилар камроқ учрамоқда.
«Охирги беш йил ичида бош мураббийлар янада муҳимроқ рол ўйнай бошлашди ва уларнинг ёндашуви кўпроқ тактикага асосланган бўлиб қолди. Футбол энди дарвозадан дарвозага қадар бўлган ўйинга ўхшамайди. У баскетболдан кўра, кўпроқ шахматга ўхшайди, бу эса унчалик қизиқ эмас.
Футболчилар камроқ дриблинг қилишмоқда ва биз буни жуда кам кўряпмиз. Балки мураббийлар уларга бундай қилмасликни айтаётгандир, аммо барибир сизни ҳайратга сола оладиган ўйинчилар бор, масалан Мбаппе, Ямаль ёки Винисиус. Лекин, эҳтимол, улар жуда кам, чунки футболчиларга бундай ўйнашга рухсат беришмаяпти», — деди Бэйл.
