«Real»ning sobiq vingeri Garet Beyl futbolning taktik evolyusiyasi haqidagi kuzatuvlari bilan o‘rtoqlashdi. Uning so‘zlariga ko‘ra, hozirgi kunda yorqin o‘yinchilar kamroq uchramoqda.

«Oxirgi besh yil ichida bosh murabbiylar yanada muhimroq rol o‘ynay boshlashdi va ularning yondashuvi ko‘proq taktikaga asoslangan bo‘lib qoldi. Futbol endi darvozadan darvozaga qadar bo‘lgan o‘yinga o‘xshamaydi. U basketboldan ko‘ra, ko‘proq shaxmatga o‘xshaydi, bu esa unchalik qiziq emas.

Futbolchilar kamroq dribling qilishmoqda va biz buni juda kam ko‘ryapmiz. Balki murabbiylar ularga bunday qilmaslikni aytayotgandir, ammo baribir sizni hayratga sola oladigan o‘yinchilar bor, masalan Mbappe, Yamal yoki Vinisius. Lekin, ehtimol, ular juda kam, chunki futbolchilarga bunday o‘ynashga ruxsat berishmayapti», — dedi Beyl.