Испания терма жамоаси дарвозабони Давид Райя 2026 йилги жаҳон чемпионатининг Кабо-Вердега қарши дастлабки ўйинида захирада қолгани ҳақида фикр билдирди. Дарвозани Унай Симон қўриқлади.
«Биламан, хатолар бўлади, ҳамма ҳам мени ёқтиравермайди, лекин мен баҳсларни бошқаларга қолдираман. Мураббийнинг қарорини доимо ҳурмат қиламан. Рақобат — бу яхши, менинг ролим қандай бўлишидан қатъи назар, жамоага доим ёрдам бераман», — дея Райянинг сўзларини келтиради The Guardian.
2025/26 йилги мавсумда Райя кетма-кет учинчи марта АПЛнинг «Олтин қўлқоп» совринини қўлга киритди ва Англия чемпионатида ғолиб чиқди.
Испания — Саудия Арабистони учрашуви 21 июнь куни Атлантадаги «Мерседес-Бенц Стэдиум»да бўлиб ўтади. Ўйин Тошкент вақти билан соат 21:00 да бошланади.
