Аргентина терма жамоаси ЖЧ-2026 гуруҳ босқичи иккинчи тури доирасидаги Австрияга қарши ўйинга тайёргарлик кўрмоқда.
Баҳс бугун бўлиб ўтади, унинг бошланиши Тошкент вақти билан соат 22:00 га режалаштирилган. Учрашув олдидан «албиселесте» бош мураббийи Лионель Скалони у ва унинг мураббийлар штаби турнирдаги барча ўйинларни диққат билан кузатиб бораётганини тан олди.
«Иложи бўлса, барча ўйинларни жонли эфирда кўришга ҳаракат қиламиз. Масалан, ҳозир Энцо Фернандес журналистлар билан гаплашаётганда, мен Кабо-Верде ва Уругвай ўйинини тугатиб қўйдим. Турли хил футболни томоша қилар экансиз, доимо янги нарсани ўрганишингиз ва содир бўлаётган воқеаларни доимий таҳлил қилишингиз мумкин. Биз турнирга тўлиқ эътибор қаратганмиз, лекин баъзида зиддиятли туйғулар пайдо бўлади — жаҳон чемпионати ҳозир қаёққа қараб кетаётганини айтиш қийин», — деди Аргентина терма жамоаси устози матбуот анжуманида.
Биринчи турда амалдаги жаҳон чемпионлари Лионель Мессининг хет-триги эвазига Жазоир устидан йирик ғалабага эришган эди (3:0).
