Испания терма жамоаси ва «Барселона» вингери Ламин Ямал замонавий футболнинг томошабоплиги муаммоси ҳақида ўз фикрларини билдирди.
«Менга одамлар ҳалигача футбол томоша қилишдан завқланаётгани ғалати туюлади. Илгари мен тез-тез ўйинларни томоша қилардим, энди эса бу менга қийинчилик туғдирмоқда. Ўйиндан завқ олиш учун Неймар, Шерки, Иско, Бензема, Винисиус каби футболчиларни — чиндан ҳам кузатиш ёқимли бўлганларни кўриш керак. Улар албатта Роналдиньо каби бразилиялик бўлиши шарт эмас. Мен Анрининг ўйинини жонли ҳеч қачон кўрмаганман, лекин у ҳақдаги видеолавҳалар менга жуда ёқарди», — дея Ямалнинг сўзларини келтиради The Touchline.
27 июнь куни испанияликлар ЖЧ-2026 гуруҳ босқичининг сўнгги турида Уругвай билан ўйнайди. Баҳс Тошкент вақти билан 28 июнь соат 05:00'да бошланади.
