Франция терма жамоаси бош мураббийи Дидье Дешам Ироқ терма жамоасини кучсиз рақиб деб ҳисобламаслигини билдирди.
«Бу кучсиз жамоа эмас – улар Мексикада Боливияга қарши саралаш босқичидан ўтишди, бу жуда кучли жамоа. Улар Испания билан дуранг ўйнашди ва Норвегияга қарши муносиб курашишди. Улар ҳамма нарсани автоматизм даражасигача ишлаб чиқишган, буни уддалай олишади. Футболчилар бир-бири билан жуда чиқишиб кетган.
Ўйин осон бўлади деб ўйламаслик керак. Биз бу баҳсга худди шундай жиддийлик ва диққат-эътибор билан, гуруҳдан чиқиш мақсадида ёндашишимиз керак», — деди Дешам.
