Испания терма жамоаси ҳужумкор ярим ҳимоячиси Ламин Ямаль Шимолий Америкада ўтаётган ЖЧ-2026 да «қизил фурия»нинг истиқболлари ҳақида ўз фикрларини билдирди. Иккинчи тур доирасида европаликлар Саудия Арабистонини 4:0 ҳисобида тор-мор этди.
«Терма жамоа сафида «Олтин тўп» соҳиби Родри ўйнамоқда. Педри ўз позициясида дунёнинг энг яхшиларидан бири, шунингдек, таркибимизда Уильямс, Оярсабаль, Ольмо ва бошқалар бор. Мен бу жамоага ёрдам беришни истайман. Биз фаворитлар қаторидамиз, чунки терма жамоамиз юқори савияли футболчилардан иборат», — дея вингернинг сўзларини келтиради AS.
Иккита ўйин якунига кўра, Испания тўрт очко билан ўз гуруҳида пешқадамлик қилмоқда. Навбатдаги ўйинини «қизил фурия» Уругвайга қарши ўтказади.
