Аргентина терма жамоаси ярим ҳимоячиси Алексис Мак Аллистер миллий жамоадаги 38 ёшли шериги Лионель Месси ҳақида фикр билдирди.

«У билан бир жамоада ўйнашни яхши кўраман. Бундай футболчи бошқа бўлмайди. Месси терма жамоа учун жуда муҳим, у билан бирга ғалаба қозоняпмиз. Бу футболчига қойил қоламан. Ундан ўрганиш жуда қийин, чунки у қилган ишни худди ўзидек такрорлай олмайсиз», — дея «Ливерпуль» ярим ҳимоячисининг сўзларини келтиради Goal портали.

Мундиалдаги илк учрашувда Аргентина терма жамоаси Жазоир миллий жамоасига қарши майдонга тушди. Лионель Скалони шогирдлари 3:0 ҳисобида йирик ғалаба қозонишди. Месси учта гол уришга муваффақ бўлди.