«Арсенал» ва Англия терма жамоаси хавбеки Деклан Райс миллий жамоанинг стандарт вазиятлардаги ўйини ҳақида фикр билдирди.
«Энди стандартлар барчага ёқмоқда, шундай эмасми? Мен бурчак зарбаларини амалга оширмаган бўлардим, аммо стандарт вазиятлар бўйича мураббий ва «Арсенал» бош мураббийи Микель Артета менда нимадир кўришди. Улар мени тўпни Букайо Сакадан бошқа ҳеч ким етказа олмайдиган зоналарга йўналтира олишимни айтишди.
Мен бунга ишондим. Энди ҳар сафар бурчак ёки қанотдан жарима зарбасини ижро этиш учун тўпни олганимда, хавфли вазият яратаман ёки голли узатма бераман деб ҳис қиламан.
Терма жамоада стандартларни машқ қилиш учун вақт кам, чунки биз кўплаб бошқа нарсалар устида ишлашимиз керак, аммо Тухель келгач, биз уларни машқ қилдик.
Ўтган бир йил давомида тўпни қаерга ва қандай узатишимни унчалик ўзгартирмадик, шунинг учун йигитлар нимани кутиш кераклигини билишади. Бизда режа бор, менга эса уни ижро этиш, йигитларга эса жарима майдончасида очилиш қолди», — деди Райс.
