Энцо Мареска расман «Манчестер Сити» устозига айланишга тайёргарлик кўрмоқда. Бу ҳақда таниқли инсайдер Жанлука ди Марцио веб-сайти хабар бермоқда.
Манбанинг берган маълумотларига кўра, Мареска ва унинг собиқ клуби «Челси» ўртасида, истеъфога чиқарилганига қарамай амалда бўлиб турган шартномани бекор қилиш бўйича оғзаки келишувга эришилган. Бу эса италиялик мутахассисга яқин соатлар ичида янги шартномани имзолаш учун Манчестер шаҳрига йўл олишига имкон беради.
Мареска «Манчестер Сити» билан 3 йилга мўлжалланган шартнома имзолаши кутилмоқда. Бунга параллел равишда, клублар ушбу ўтиш учун тўланадиган компенсация пулини ҳам ўзаро ҳал қилиб олишган — у тахминан 20 миллион еврони ташкил этади. Трансфер бўйича расмий эълон тез орада чиқиши кутилмоқда.
