Таниқли португалиялик агент Паулу Барбоза Жаҳон чемпионати — 2026 гуруҳ босқичидан ўрин олган Португалия ва Ўзбекистон терма жамоалари ўртасидаги бўлажак ўйин ҳақида ўз фикрлари билан ўртоқлашди.
«Тўғрисини айтсам, Португалия Ўзбекистонни мағлуб эта олишига ишончим комил эмас. Бу жуда жиддий рақиб, улар Конго ДРдан кучлироқ. Ўзбекистон билан ўйинда осон сайр бўлмаслиги аниқ», — дея агентнинг сўзларини келтиради «РБ Спорт».
Барбозанинг фикрича, Португалия терма жамоаси ўз ўйинини, айниқса, ҳужум чизиғидаги ҳаракатларини қайта қуриши лозим.
Гуруҳ босқичининг 2-туридан ўрин олган Португалия — Ўзбекистон учрашуви 23 июнь куни бўлиб ўтади. Бош ҳакамнинг старт ҳуштаги Тошкент вақти билан соат 20:00 да янграйди.
