Лионель Месси ЖЧ-2026 2-турида Австрия устидан қозонилган ғалабадан (2:0) кейин ўз ҳиссиётлари билан ўртоқлашди.

Аргентина терма жамоасининг 38 ёшли ҳужумчиси дубл қайд этди, бироқ бунгача пенальтини голга айлантира олмаганди.

«Биз мухлисларга қувониш учун кўплаб сабаблар туҳфа қилиб бўлдик, лекин уларга бундан ҳам кўпроғини беришга ҳаракат қиламиз.

Пенальтидан фойдалана олмаганим учун ўзимдан жуда қаттиқ хафа бўлган вазиятларим бўлди, лекин буни тўғирлай олдим. Энг муҳими – кейинги раундга чиқиш, ҳар бир ўйинда ғалаба қозониш доим режаларимизга киради.

Бутун жамоамиз буни чексиз қувонч билан ҳис қилмоқда. Биз йиғилганимизда бирга бўлиш, курашиш, шуғулланиш, кундалик ишлар билан машғул бўлиш ва бундай мухлисларни кўриш бизга ёқади.

Мен ғалабадан алоҳида хурсандман. У ҳал қилувчи ва қийин бўлди, биз жуда кўп куч сарфладик. Бу ғалаба бизга олдинда кутаётган баҳслар учун ишонч бағишлайди», – деди Месси.