Франция терма жамоаси собиқ ҳужумчиси Оливье Жиру Лионель Мессининг Аргентина терма жамоасидаги ҳал қилувчи ролини таъкидлаб ўтди.

Аргентина ЖЧ-2026 гуруҳ босқичи дастлабки икки турида Жазоир (3:0) ва Австрияни (2:0) мағлуб этиб, муддатидан аввал плей-оффга йўл олди. Месси ўз миллий жамоасининг барча 5 та голига муаллифлик қилди.

«Лионель Месси атрофига шундай футболчиларни тўплаганки, улар майдонда фақат уни излашади. Улар у учун ўйнашади ва бу улар учун улкан шарафдир. Улар Мессини жуда ҳурмат қилишади, у билан бирга тўп суриш улар учун катта бахт. Улар майдонда у учун ўлишга ва яна бир бор жаҳон чемпионатида ғолиб чиқиш учун борларини беришга тайёр. Унинг роли ҳар қачонгидан ҳам муҳимроқ.

Ёши ўтгани сари Месси борган сари яхшиланиб бормоқда. Иккита ўйинда Аргентина терма жамоаси учун бешта гол, у ягона тўпурар бўлиб турибди. Месси доим керакли вақтда керакли жойда пайдо бўлади. У ўйинни яратиш ва унинг боришини белгилаб бериш учун воқеалар марказида бўлади», – деди Жиру.