Аргентина терма жамоаси бош мураббийи Лионель Скалони Австрияга қарши ўйинни баҳолади.
Аргентиналиклар ЖЧ-2026 2-турида Лионель Мессининг дубли эвазига 2:0 ҳисобида ғалаба қозонишди.
«Лео фаоллашганда, ҳамма фаоллашади. Бизда ишлайдиган жиҳатлар бор эди. Сабр-тоқат кўрсатганимизда, керакли узатмаларни топа олдик.
Стадионда жуда кўп оилалар бор эди. Агар у ердаги болалар жамоа билан боғлиқликни ҳис қилишаётган бўлса, бу энг муҳимидир.
Қийинчиликка дуч келганимизда, бутун жамоа биргаликда буни бошдан кечиради. Баъзан бизда тўп бўлмади, жамоанинг ютуғи эса ҳар қандай вазиятда қандай ҳаракат қилишни билишидадир», – деди Скалони матбуот анжуманида.
