23 июнь куни Бишкек шаҳридаги Турдақун Усубалиев майдонида Жаҳон чемпионати-2026 финал босқичи 2-туридан ўрин олган Ўзбекистон — Португалия учрашувини жонли томоша қилиш учун махсус фан-зона ташкил этилади.
Бишкек шаҳар ҳокимлиги маълумотига кўра, пойтахт аҳолиси ва меҳмонлари учун катта экран ўрнатилади. Унда барча хоҳловчилар учрашувни биргаликда кузатиб, байрамона спорт муҳитида жамоаларни қўллаб-қувватлаш имкониятига эга бўлади.
Тадбир доирасида соат 21:20 да маҳаллий эстрада юлдузлари иштирокида кўнгилочар дастур бошланади. Соат 22:00 дан 23:00 гача ўйин олдидан шарҳлар ва жонли эфир ташкил этилади. Учрашув эса соат 23:00 да старт олади.













