Гана терма жамоаси бош мураббийи Карлуш Кейруш ЖЧ-2026 доирасидаги Англияга қарши ўйин (0:0) якунларини сарҳисоб қилди.

«Биринчи мақсадга эришилди, биз кейинги босқичга чиқдик. Ўйин давомида футболчиларимиз қандай курашгани ва режага қандай амал қилгани билан жуда фахрланаман. Улар доимо ишончни сақлаб қолишди.

Менинг камтарона фикримча: Англия жаҳон чемпионатида ғалаба қозонишга даъвогар бўлиши мумкин. Бу мухлисларимиз учун совғадир. Биз йўқотган футболчиларга совға.

Ғалабага олиб борадиган йўл шундай: ҳимояланиш керак бўлганда – ҳимояланасан. Улар рок-н-ролл ўйнаётганда мен самба ижро этолмайман. Мақсадимиз биринчи бўлимни Англия терма жамоасини боши берк кўчага киритиб қўядиган тарзда якунлаш эди, токи улар бизни қандай мағлуб этиш чорасини топа олишмасин. Айнан ўшандан кейин биз ўйинимизни кучайтириб, баҳсни назорат қила бошладик. Гол уришимиз мумкин эди, аммо, афсуски, ура олмадик. Менимча, Англия ҳам гол уриши мумкин эди, шунинг учун дуранг – адолатли натижа», — деб таъкидлади Кейруш.