«Лилль» ва Марокаш терма жамоаси ярим ҳимоячиси Айюб Буаддининг Мадриднинг «Реал» клубига ўтиши амримаҳол.

«Қаймоқранглилар» 18 ёшли футболчининг муваффақиятларини кузатиб боришмоқда ва анчадан бери асосий даъвогарлардан бири сифатида тилга олинмоқда, бироқ шу ёздаги трансфернинг эҳтимоли паст. Журналист Марио Кортехананинг маълумотига кўра, «Реал»да ёш ярим ҳимоячини устувор трансфер мақсади деб ҳисоблашмаяпти. «Лилль» футболчи учун тахминан 80 млн евро сўрамоқда, бу ҳам «қироллик клуби»ни қониқтириши қийин.

Айюб Буаддининг ўзи ҳам «Реал»га ўтишга интилмаяпти, чунки у майдонга мунтазам равишда тушишни ва муҳим рол ўйнашни хоҳлайди, бу эса Жозе Моуриньо жамоасида бўлиши амримаҳол.