Мадриднинг «Реал» клуби янги бош мураббийи Жозе Моуриньо клубнинг муаммолари ҳақида нималар ўйлаётганини айтиб берди.
«Қаймоқранглилар» ўтган мавсумни совринларсиз якунлашди, шундан сўнг Флорентино Перес 13 йил олдин жамоадан кетган Моуриньони бош мураббийлик постига қайтаришга қарор қилди.
«Реал»нинг ўзига хос тарихи бор — бу жуда кўп ажойиб футболчилар ҳақида эмас, балки клуб ва совринлар ҳақидадир. Албатта, қийин дамлар ҳам бўлиб туради. Баъзан ҳатто «Реал» ҳам ўзи ўрганганидек доимий равишда ғалаба қозона олмайди. Гоҳида ҳаммасини янгитдан қуриш, қайта қуриш талаб этилади. Аммо ғалаба қозониш — кўплаб турли жиҳатлардан дунёнинг энг буюк клуби бўлмиш «Реал» ДНКсининг бир қисмидир», — дея «Madrid Universal» португалиялик мутахассиснинг сўзларидан иқтибос келтиради.
Эслатиб ўтамиз, аввалроқ Жозе Моуриньо мадридликларни 2010 йилдан 2013 йилгача бошқарган эди. Унинг ҳозирги шартномаси 2029 йилга қадар мўлжалланган.
