«Челси» ўнг қанот ҳимоячиси Мало Гюстони сотишга шошилмаяпти. Яқин орада 23 ёшли франциялик футболчининг позициясига Марко Палестра билан шартнома имзоланади, унинг «Аталанта»дан трансфери «кўклар»га тахминан 60 млн еврога тушади.

Инсайдер Фабрицио Романонинг маълумотларига кўра, италиялик футболчи бўйича келишувга қарамай, Лондон клуби ҳозирча Гюстони сотишни режалаштирмаяпти: Малонинг нархи асло кам бўлмайди – 75 млн фунт стерлинг (87 млн евродан ортиқ).

Бундай талаб потенциал харидорларни қониқтириши қийин, уларнинг қаторида «Манчестер Сити» ҳам тилга олинмоқда. «Transfermarkt» портали Гюстонинг қийматини анча камтарона — 35 млн еврога баҳоламоқда.