Франция терма жамоасининг янги бош мураббийи Зинедин Зидан бўлади, «L'Equipe» нашри бу ҳақда деярли амалга ошиб бўлган факт сифатида хабар бермоқда. Шунингдек, манба унинг мураббийлар штабига яна бир машҳур калбош — Фабьен Бартез кириши ҳақидаги қизиқарли маълумотни ҳам келтирган.
Зинедин Зидан Мадриднинг «Реал» клубидаги жуда қизиқарли тажрибасидан сўнг, 2021 йилдан бери мураббийлик қилмаяпти.
Футбол бўйича Франция терма жамоасининг ҳозирги бош мураббийи Дидье Дешам ҳисобланиб, у жамоа билан 2012 йилдан бери ишлаб келмоқда ва 2018 йилги жаҳон чемпионатида жамоани триумфга бошлаб келиб, стандартлар планкасини жуда юқорига кўтарган.
