«Бавария» ҳужумкор ярим ҳимоячиси Жамол Мусиала Германия терма жамоасидаги жамоадоши Флориан Вирц билан бирга тўп тепиши ҳақида нималар ўйлаётганини айтиб берди.
«Фло билан бирга ўйнаш жуда ёқимли, у ажойиб. Биз биргаликда жуда яхши ҳаракат қиляпмиз. Худди шу гапларни Хаверц, Сане, Нмеча ва Павлович ҳақида ҳам айтиш мумкин. Бизда ажойиб жамоа шаклланган — ҳар ким ўзгача тарзда кучли. Шундай бўлса-да, айнан Вирц ҳақида гапирадиган бўлсак, биз бир-биримизни аъло даражада тўлдирамиз, рақибларни доимий босим остида ушлаб турамиз. Бундай эркинлик билан тўп суриш — улкан завқ бағишлайди», — дея Мусиаланинг сўзларини «Sport Bild» нашри келтиради.
25 июнь куни Германия терма жамоаси ЖЧ-2026 гуруҳ босқичининг сўнгги тури баҳсида Эквадор билан учрашади.
