Чоршанба куни Лионель Месси ўз туғилган кунини нишонлади — аргентиналик юлдузли ҳужумчи 39 ёшга тўлди.
«Барселона» клуби ҳам ўзининг собиқ футболчисини табриклади. Каталония клуби ижтимоий тармоқлардаги саҳифасида Мессига махсус пост бағишлади. Лионель эса «кўк-анорранглилар»нинг ушбу табригига изоҳ қолдириш орқали муносабат билдирди.
«Катта раҳмат!» — деб ёзди Месси ва матн охирига «Барселона» рангларидаги (кўк ва анорранг) иккита юракча эмблемасини жойлаштирди.
Эслатиб ўтамиз, Лионель Месси ўзи учун қадрдон бўлган «Барселона»нинг асосий жамоасида деярли 17 йил давомида тўп сурган. 2021 йилда аргентиналик футболчи каталонияликлар сафини тарк этган эди — ўшанда «кўк-анорранглилар» молиявий муаммолар сабабли унга янги шартнома таклиф қила олишмаганди.
