Бельгия терма жамоаси вингери Жереми Доку миллий жамоа ихтиёрига қайтиб келди. Бу ҳақда терма жамоа матбуот хизмати хабар бермоқда.
Эслатиб ўтамиз, «Манчестер Сити» футболчиси ўғил фарзандли бўлгани муносабати билан бир муддатга Лондонга кетган эди.
Бельгия терма жамоасининг Х ижтимоий тармоғидаги расмий саҳифасида Докунинг жаҳон чемпионатидаги жамоа лагерига қайтиб келгани акс этган видеолавҳа жойлаштирилди.
«Ҳаётидаги энг муҳим ассистдан сўнг яна лагерда», — дейилади хабарда.
Маълумот учун, Бельгия терма жамоаси ЖЧ-2026 гуруҳ босқичидаги сўнгги учрашувини 27 июнга ўтар кечаси Янги Зеландияга қарши ўтказади. Айни пайтда бельгияликлар 2 очко билан «G» гуруҳида учинчи ўринни эгаллаб турибди.
