Жаҳон чемпионати доирасида Швейцария ва Канада терма жамоалари ўртасидаги учрашув якунланди. Унда «альп тоғликлар» 2:1 ҳисобида ғалаба қозониб, «В» квартетида биринчи ўринни қўлга киритишди. Каналиклар эса мағлубиятга қарамай, иккинчи ўрин билан плей-офф йўлланмасига эга чиқишди.

Мазкур баҳснинг энг яхши футболчиси деб Швейцария терма жамоаси ҳужумкор ярим ҳимоячиси Йохан Манзамби эътироф этилди. 20 ёшли футболчи жамоасининг ҳар иккала голида бевосита иштирок этди: дастлаб у голли узатмани амалга оширган бўлса, кейинроқ ўз номини таблога ёздириб қўйди.

Учрашув якунланганидан сўнг, Йохан Манзамбига энг яхши футболчи учун бериладиган махсус совға топширилди.

Маълумот учун, Манзамби клуб миқёсида Германиянинг «Фрайбург» жамоаси шарафини ҳимоя қилади.