АҚШ, Канада ва Мексика яшил майдонларида ўтаётган футбол бўйича жаҳон чемпионати қизғин палласига кирмоқда. Мусобақанинг «В» гуруҳида баҳслар якунланиб, унда мос равишда биринчи ва иккинчи ўринларни эгаллаган Швейцария ҳамда Канада терма жамоалари плей-офф йўлланмасини қўлга киритишди.
Шу тариқа, айни пайтга келиб дунё биринчилигининг кейинги босқичига йўл олган жамоалар сони 9 тага етди. Плей-офф йўлланмасини нақд қилган терма жамоалар рўйхати қуйидагича:
-
Мексика
-
Швейцария
-
Канада
-
АҚШ
-
Германия
-
Франция
-
Норвегия
-
Аргентина
-
Колумбия
Пайшанба тонгига қадар мундиалда 1/16 финал босқичининг яна бир нечта йўлланмалари эгалари аниқланади. Эслатиб ўтамиз, жаҳон чемпионати иштирокчилари сони 32 тадан 48 тага кўпайтирилгани сабабли, мусобақа тарихида илк бор гуруҳ босқичидан сўнг тўғридан-тўғри 1/16 финал баҳслари старт олади.
Маълумот учун, амалдаги жаҳон чемпиони Аргентина терма жамоаси ҳисобланади. «Альбиселесте» 2022 йили Қатарда ўтган финалда Францияни мағлуб этиб, бош совринга эга чиққан эди.
