AQSH, Kanada va Meksika yashil maydonlarida o‘tayotgan futbol bo‘yicha jahon chempionati qizg‘in pallasiga kirmoqda. Musobaqaning «V» guruhida bahslar yakunlanib, unda mos ravishda birinchi va ikkinchi o‘rinlarni egallagan Shveysariya hamda Kanada terma jamoalari pley-off yo‘llanmasini qo‘lga kiritishdi.
Shu tariqa, ayni paytga kelib dunyo birinchiligining keyingi bosqichiga yo‘l olgan jamoalar soni 9 taga yetdi. Pley-off yo‘llanmasini naqd qilgan terma jamoalar ro‘yxati quyidagicha:
-
Meksika
-
Shveysariya
-
Kanada
-
AQSH
-
Germaniya
-
Fransiya
-
Norvegiya
-
Argentina
-
Kolumbiya
Payshanba tongiga qadar mundialda 1/16 final bosqichining yana bir nechta yo‘llanmalari egalari aniqlanadi. Eslatib o‘tamiz, jahon chempionati ishtirokchilari soni 32 tadan 48 taga ko‘paytirilgani sababli, musobaqa tarixida ilk bor guruh bosqichidan so‘ng to‘g‘ridan-to‘g‘ri 1/16 final bahslari start oladi.
Ma’lumot uchun, amaldagi jahon chempioni Argentina terma jamoasi hisoblanadi. «Albiseleste» 2022 yili Qatarda o‘tgan finalda Fransiyani mag‘lub etib, bosh sovringa ega chiqqan edi.
