«Ноттингем Форест» ҳамда Англия терма жамоаси ярим ҳимоячиси Эллиот Андерсон 150 миллион евро эвазига «Манчестер Сити» футболчисига айланади. Бу ҳақда RMC Sport нашри хабар тарқатди.
Агар ушбу трансфер амалга ошса, Андерсоннинг «шаҳарликлар» лагерига кўчиб ўтиши бутун Англия Премьер-лигаси тарихидаги энг қиммат харид бўлади.
Эллиот Андерсон ҳозирда 23 ёшда бўлиб, у якунланган мавсумда «Ноттингем Форест» сафида барча мусобақаларда жами 50 та учрашувда майдонга тушди. Ёш марказий ярим ҳимоячи бундан икки йил аввал, яъни 2024 йилда «Ньюкасл» клубидан 41 миллион евро эвазига «ўрмончилар» сафига келиб қўшилган эди.
