Лиссабоннинг «Спортинг» клуби Испаниянинг «Бетис» жамоаси ярим ҳимоячиси Серхи Алтимиранинг трансфери бўйича музокараларнинг якуний босқичида турибди.

Таниқли инсайдер Фабрицио Романонинг берган маълумотига кўра, Португалия клуби Германиянинг «РБ Лейпциг» жамоасини ортда қолдириш мақсадида ушбу битим устидаги ишларни янада тезлаштирган. Хабар қилинишича, «Бетис» билан музокаралар финал палласига кирган, 24 ёшли испаниялик футболчининг ўзи эса Португалиянинг 21 карра чемпиони сафига кўчиб ўтишга аллақачон розилик берган.

Маълумот учун, марказий ярим ҳимоячи якунланган мавсумда клуб миқёсида барча мусобақаларда жами 40 та учрашувда майдонга тушди. У ушбу баҳсларда ўз ҳисобига 2 та гол ва 3 та голли узатмани ёздириб қўйишга муваффақ бўлган. Нуфузли Transfermarkt портали Алтимиранинг айни пайтдаги трансфер баҳосини 20 миллион еврога баҳоламоқда.