Шотландия терма жамоаси голкипери Ангус Ганн фаолиятини "Манчестер Юнайтед"да давом эттириши мумкин.
30 ёшли футболчи эркин агент мақомида турибди – унинг "Ноттингем Форест" билан шартномаси шу ойнинг охирида якунига етади. Transfer News Live нашрининг The Sun газетасига таяниб хабар беришича, "қизил иблислар" шотландиялик посбонни таклиф этиш имкониятини кўриб чиқишмоқда – унда жамоанинг тажрибали захира дарвозабонини кўришяпти.
Якунланган мавсумда Ангус Ганн "ўрмончилар" сафида Премьер-лигада бор-йўғи бир марта майдонга тушди. Бунгача у "Норвич", "Саутгемптон", "Сток Сити" ва "Манчестер Сити" клублари шарафини ҳимоя қилган.
ЖЧ-2026 турнирида Ганн Шотландия терма жамоасининг гуруҳ босқичидаги барча учрашувларида асосий таркибда майдонга тушди ва ўз дарвозасидан тўртта тўп ўтказиб юборди.
