"Реал Сосьедад" ва Испания терма жамоаси ҳужумчиси Микель Оярсабаль "Барселона" томонидан ўзига бўлаётган қизиқишлар ҳақидаги хабарларга изоҳ берди.
Миш-мишларга ишонадиган бўлсак, Каталония гранди трансфер бозорида Хулиан Альваресга муқобил вариантлар қаторида 29 ёшли испаниялик футболчи номзодини ҳам кўриб чиқмоқда.
"Бу мен ҳамма нарсани тўғри бажараётганимдан далолат беради. Аммо миш-мишлар мен учун у қадар муҳим эмас — уларга вақтимни сарфламайман. Ҳозирда бор эътиборимни Жаҳон чемпионатига қаратганман", — дея Barca Universal нашри ҳужумчининг сўзларини келтирмоқда.
Эслатиб ўтамиз, Микель Оярсабаль Жаҳон чемпионати доирасида бўлиб ўтган Испания ва Саудия Арабистони (4:0) терма жамоалари ўртасидаги яқиндаги учрашувда иккита гол ва битта голли узатмани амалга ошириб, ўйин қаҳрамонига айланган эди.
