Ҳимоячи Рауль Асенсио "Реал"даги фаолиятини давом эттиришни хоҳлайди.
Журналист Марио Кортегананинг берган маълумотларига кўра, футболчи Мадрид клубида қолиш ниятида. У "қаймоқранглилар"нинг янги бош мураббийи Жозе Моуриньони жамоага фойдаси тегишига ишонтирмоқчи. Бироқ, "Реал" Асенсиони сотиб юборишни режалаштирмоқда — унинг кетиши бошқа марказий ҳимоячини сотиб олиш учун зарур ҳисобланади.
Рауль Асенсио "Реал" клуби тарбияланувчисидир. Унинг Мадрид клуби билан амалдаги шартномаси 2031 йилнинг 30 июнига қадар мўлжалланган. 2025/26 йилги мавсумда ҳимоячи "қаймоқранглилар" сафида барча турнирларда 34 та учрашувда майдонга тушиб, иккита гол урди ва битта голли узатмани амалга оширди. Transfermarkt портали Асенсионинг қийматини 20 миллион еврога баҳоламоқда.
