Бразилия терма жамоаси ҳужумчиси Неймар Лионель Месси ҳақида ўз фикрларини билдириб ўтди. Ўз вақтида Неймар ва Месси "Барселона" ҳамда "ПСЖ" клубларида биргаликда тўп суришган.
"Лео майдондан ташқарида янада яхшироқ инсон. У майдонда жуда ажойиб, энди ҳаётда қандайлигини тасаввур қилиб кўринг. Шу сабабли мен у билан таниш бўлганимдан ва бирга ўйнаганимдан жуда хурсандман. У жуда ажойиб дўст. Биз кўп мулоқот қиламиз, шу жумладан сўнгги кунларда ҳам гаплашдик. У уни қанчалик қадрлашимни яхши билади", — дея Неймарнинг сўзларини келтиради The Touchline нашри.
Эслатиб ўтамиз, Аргентина ва Бразилия терма жамоалари Жаҳон чемпионати — 2026 турнирида ўз гуруҳларида биринчи ўринни эгаллашни кафолатлаб бўлишган. Бразилияликлар бунга 3-турдан кейин эришишган бўлса, аргентиналикларга 2 та турнинг ўзи кифоя қилди. Эндиликда ҳар икки жамоа плей-офф босқичидаги илк рақиблари ким бўлишини кутишмоқда.
