Бразилия терма жамоаси ҳужумчиси Неймар Жаҳон чемпионатларида ноёб натижа муаллифига айланди.
Opta статистика порталининг берган маълумотларига кўра, 2014 йилги Жаҳон чемпионатидаги дебютидан буён Неймар рақиблар тинчини бошқа ҳар қандай футболчидан кўра кўпроқ бузган. Ушбу давр мобайнида унга нисбатан 61 марта фол ишлатилган — бу Жаҳон чемпионатларида тўп сурган барча футболчилар орасидаги энг юқори кўрсаткичдир.
Бундан ташқари, бразилиялик футболчига қарши қоида бузилганидан сўнг ҳакамлар рақибларга 13 та сариқ ва қизил карточка кўрсатишган — бу ҳам қайд этилган давр мобайнида турнирнинг мутлақ рекорди ҳисобланади.
Эслатиб ўтамиз, Неймар ЖЧ-2026 турниридаги дебютини гуруҳ босқичи доирасидаги Шотландияга қарши учрашувда (3:0) нишонлади. У жароҳатидан соғайиб, 76-дақиқада захирадан майдонга тушди. Бу ўйин у учун 2022 йилдан бери дунё биринчиликларидаги биринчи учрашув бўлди.
