"Арсенал" клуби ўз таркибини кучайтириш устида иш олиб бормоқда. "Daily Mail Sport" нашри берган хабарга кўра, "канонирлар" устози Микель Артета "Ньюкасл" ҳамда Бразилия терма жамоаси ярим ҳимоячиси Бруно Гимараэсга қизиқиш билдирмоқда.
Манбанинг маълумотларига кўра, "Арсенал" Гимараэснинг вакиллари билан музокаралар ўтказиб улгурган. Эндиликда "Ньюкасл" лондонликлардан бразилиялик футболчининг трансфери бўйича расмий таклиф кутмоқда.
Шу билан бирга, "Арсенал" радарларида бошқа ярим ҳимоячилар ҳам борлиги қайд этилган.
Нуфузли Transfermarkt портали 28 ёшли Бруно Гимараэснинг қийматини 70 миллион еврога баҳоламоқда. Бразилиялик футболчининг "Ньюкасл" билан амалдаги шартномаси 2028 йилнинг ўрталарига қадар мўлжалланган.
