Германия терма жамоаси бош мураббийи Юлиан Нагельсманн ЖЧ-2026 доирасида Эквадордан учралган мағлубиятдан кейинги таассуротлари билан ўртоқлашди. У бу ҳақда ўйиндан кейинги матбуот анжуманида гапириб ўтди.
"Биз ўйинни ажойиб бошладик. Афсуски, гол урганимиздан сўнг дарҳол позицияларни ўзгартириб, тактик ўз-ўзини ўлдириш билан шуғулланишни бошладик. Бу вазиятни қийинлаштириб юборди.
Эквадор бу баҳсга борини берди ва бу яққол кўриниб турди. Аммо менинг ўйинчиларимдан кимдир майдонда бор кучини бермади, деб айта олмайман.
Мағлубият ҳеч қачон яхши бўлмайди, ҳатто мана шундай аҳамиятга эга ўйинда ҳам. Биз бундан тўғри хулоса (сабоқ) чиқарамиз ва олдинга интиламиз. Биз бундан сабоқ олишимиз ва ўйинимизни яхшилашимиз керак, шу билан бирга келажакка ҳам боқишимиз лозим.
Энди кейинги босқичга йўл олиш учун 1/16 финал учрашувида бор кучимизни ишга солиш муҳим аҳамиятга эга", — деди Нагельсманн.
