Лондоннинг «Арсенал» клуби «Ньюкасл» ҳамда Бразилия терма жамоаси ярим ҳимоячиси Бруно Гимараэсни сотиб олиш устида иш олиб бормоқда.
«Тўпчилар» 28 ёшли футболчи учун тахминан 55 миллион фунт стерлинг (деярли 64 миллион евро) таклиф қилишди, бироқ «қарғалар» бу таклифга рад жавобини беришди, деб хабар тарқатмоқда Globo. Пойтахт гранди раҳбарияти янги таклиф билан яна қайтишига шама қилиб улгурди.
Бруно Гимараэснинг ўзи музокаралар жараёнига деярли аралашмаяпти — у бор эътиборини Жаҳон чемпионатига қаратган. Transfermarkt портали бразилиялик хавбекнинг трансфер баҳосини 70 миллион еврога баҳоламоқда. Футболчининг «Ньюкасл» билан амалдаги меҳнат шартномаси 2028 йилгача мўлжалланган.













