Уругвай терма жамоаси бош мураббийи Марсело Бьелса жаҳон чемпионати гуруҳ босқичининг Испанияга қарши сўнгги ўйинидан кутилаётган фикрлари билан ўртоқлашди. Аргентиналик мутахассиснинг сўзларига кўра, айнан турнир жадвалидаги ҳолат унинг жамоасини ўзларининг энг яхши футболини намойиш этишга мажбур қилиши керак.
Уругвайликлар дастлабки 2 турдан кейин бор-йўғи 2 очко жамғаришди ва энди кетма-кет 33 та ўйиндан бери мағлубият нималигини билмай келаётган Испания билан учрашувда ижобий натижага эришишга мажбурдирлар.
«Ғалабага бўлган эҳтиёж кўпинча жамоаларни кучлироқ қилади. Футболчилар ортга чекинадиган жой йўқлигини тушунишганда, улар мутлақо бошқа даражага чиқишга қодир бўлишади. Уругвай футболи анъаналари ва ушбу жамоанинг характерини ҳисобга олган ҳолда, умид қиламанки, айнан вазиятнинг тақозоси бизга яхшироқ бўлишга ёрдам беради», — деди Бьелса ўйин олдидан ташкил этилган матбуот анжуманида.
Уругвай ва Испания терма жамоалари ўртасидаги учрашув 27 июнь куни бўлиб ўтади ва Тошкент вақти билан соат 05:00да бошланади.
