Urugvay terma jamoasi bosh murabbiyi Marselo Byelsa jahon chempionati guruh bosqichining Ispaniyaga qarshi so‘nggi o‘yinidan kutilayotgan fikrlari bilan o‘rtoqlashdi. Argentinalik mutaxassisning so‘zlariga ko‘ra, aynan turnir jadvalidagi holat uning jamoasini o‘zlarining eng yaxshi futbolini namoyish etishga majbur qilishi kerak.

Urugvayliklar dastlabki 2 turdan keyin bor-yo‘g‘i 2 ochko jamg‘arishdi va endi ketma-ket 33 ta o‘yindan beri mag‘lubiyat nimaligini bilmay kelayotgan Ispaniya bilan uchrashuvda ijobiy natijaga erishishga majburdirlar.

«G‘alabaga bo‘lgan ehtiyoj ko‘pincha jamoalarni kuchliroq qiladi. Futbolchilar ortga chekinadigan joy yo‘qligini tushunishganda, ular mutlaqo boshqa darajaga chiqishga qodir bo‘lishadi. Urugvay futboli an’analari va ushbu jamoaning xarakterini hisobga olgan holda, umid qilamanki, aynan vaziyatning taqozosi bizga yaxshiroq bo‘lishga yordam beradi», — dedi Byelsa o‘yin oldidan tashkil etilgan matbuot anjumanida.

Urugvay va Ispaniya terma jamoalari o‘rtasidagi uchrashuv 27 iyun kuni bo‘lib o‘tadi va Toshkent vaqti bilan soat 05:00da boshlanadi.