«Пари Сен-Жермен» вингери Брэдли Баркола «Ливерпуль» аъзосига айланиши мумкин. Бу маълумот билан журналист Экрем Конур бўлишмоқда.
Манбанинг маълумотларига кўра, Англия топ-клуби футболчи атрофидаги вазиятни диққат билан кузатиб бормоқда. Миш-мишларга ишонадиган бўлсак, франциялик футболчи тахминан 90 миллион еврога сотилиши мумкин.
Таъкидланишича, агар жамоани нидерландиялик Коди Гакпо тарк этса, «Ливерпуль» ҳужумчини сотиб олиш ҳаракатига тушади. Бундан олдинроқ «Арсенал» «ПСЖ»га Баркола трансфери бўйича таклиф юборишни режалаштираётгани ҳақида хабар берилган эди.
Ортда қолган мавсумда 23 ёшли вингер барча турнирларда 49 та ўйинда майдонга тушди, 13 та гол урди ва еттита голли узатма муаллифига айланди.
