«Интер Майами» сафида тўп сураётган Уругвай терма жамоаси собиқ ҳужумчиси Луис Суарес ватандоши Дарвин Нуньеснинг истиқболлари ҳақида фикр билдирди.
Айни пайтда 27 ёшли ҳужумчи Саудия Арабистонининг «Ал-Хилол» клубида ўйнамоқда. Бироқ, аввалроқ хабар берилганидек, Нуньес Саудия Арабистонига кўчиб ўтишдан олдин тўп сурган «Ливерпуль» клубига қайтиши мумкин.
«Мен унда юқори даражага қайта оладиган футболчини кўряпман. Агар у ўзининг максимал даражасига чиқа олса, менга жуда ёқадиган ҳужумчига айланади. У тезкор, кучли ва катта куч-қувватга эга», — деди Суареснинг сўзларидан иқтибос келтирган «Mundo Deportivo» нашри.
Нуньеснинг «Ал-Хилол» билан амалдаги меҳнат шартномаси 2028 йилгача мўлжалланган. «Transfermarkt» ўйинчининг қийматини 20 миллион еврога баҳоламоқда.
