Франциянинг «Марсель» клуби 37 ёшли ҳужумчи Пьер-Эмерик Обамеянгни сотиб юборишни режалаштирмоқда. Бу ҳақда журналист Экрем Конур хабар бермоқда.

Манбанинг хабарига кўра, «Марсель» Обамеянгни унинг маоши юқорилиги сабабли сотиш ниятида. Клуб габонлик футболчини 1,5 миллион евро эвазига қўйиб юборишга тайёр. Унга «Трабзонспор», «Бешикташ», «Чорум» клублари, шунингдек, Испания, Италия ва АҚШ жамоалари қизиқиш билдирмоқда.

Обамеянг ўтган ёзда икки йиллик меҳнат шартномаси имзолаб, «Марсель»га келиб қўшилган эди. Ортда қолган мавсумда ҳужумчи 41 та учрашувда майдонга тушиб, 14 та гол урди ва 10 та голли узатмага муаллифлик қилди.