«Барселона» марказий ҳимоячиси Пау Кубарси жамоага вингер Энтони Гордоннинг келиб қўшилгани ҳақида ўз фикрини билдирди.
«Менга Гордоннинг «Барса»га амалга оширган трансфери ёқди. Биз унга қарши Чемпионлар лигасида ўйнаган эдик. Гордон — жуда ғайратли (энергияга бой) ўйинчи, у кўп югуради ва жамоа учун ўзини фидо қилади. Бу жуда муҳим», — дея Кубарсининг сўзларини Barça Universal нашри келтирмоқда.
Эслатиб ўтамиз, «Барселона» Гордонни ушбу мавсумслараро танаффусда «Ньюкасл»дан сотиб олган эди. Якунланган мавсумда 25 ёшли ҳужумчи барча турнирларда 46 та ўйин ўтказиб, 17 та гол урди ва бешта голли узатма муаллифига айланди.
Гордоннинг хариди Каталония клубига 80 миллион еврога тушди.
