Португалия терма жамоаси қанот ҳужумчиси Педру Нету миллий жамоа учун Криштиану Роналдунинг роли қандай эканлиги ҳақидаги фикрлари билан ўртоқлашди.
Нету «Ан-Наср»нинг юлдуз форварди португалияликлар учун жуда муҳим эканлигини, бироқ жамоа ўйини фақатгина унинг атрофида қурилмаганини таъкидлади.
«Унга бутунлай суяниб қолганмиз, деган ибора жуда баландпарвоз эшитилади. Бизнинг ўз ўйин схемаларимиз ва ўз ўйин услубимиз бор. Криштиануга қараммиз, деб ўйламайман, лекин, албатта, биз унга тўлиқ ишонамиз», — дея Нетунинг сўзларини SportyTV нашри келтиради.
41 ёшли Роналду иккинчи тур доирасида Ўзбекистон дарвозасига дубль содир этишга муваффақ бўлганди. Мундиалдаги дебют ўйинда эса Конго ДРга қарши баҳсда форвард майдонни голсиз тарк этган эди.
