Торонтодаги «BMO Field» стадионида ЖЧ-2026 «I» гуруҳи доирасида Сенегал ва Ироқ терма жамоалари ўртасидаги баҳс бўлиб ўтди. Ўйин африкаликларнинг 5:0 ҳисобидаги йирик ғалабаси билан якунланди.

Учрашув Ироқ терма жамоаси учун жуда омадсиз бошланди. 4-дақиқадаёқ Диарра ҳисобни очган бўлса, 13-дақиқада Ироқ ҳимоячиси Сулака қизил карточка олиб, жамоасини қийин аҳволда қолдирди. Кўп ўтмай, Ироқ мажбурий ўзгаришни амалга оширишга ҳам мажбур бўлди — 16-дақиқада Касем ўрнига Юнис майдонга тушди. Биринчи бўлим Сенегалнинг минимал устунлиги билан тугади.

Иккинчи бўлимда эса сенегалликлар сон жиҳатдан устунликни голларга айлантиришди. 56-дақиқада Сарр ҳисобни йириклаштирган бўлса, захирадан майдонга тушган Гуйе дубль қайд этди (59 ва 71-дақиқалар). Учрашувга якуний нуқтани 82-дақиқада яна бир захира футболчиси Ндиай қўйди.

Сенегал — Ироқ 5:0
Голлар: Диарра (4), Сарр (56), Гуйе (59, 71), Ндиай (82).
Сенегал: Диав, Якобс, Ниакате, Сек (Сисс, 58), Диатта, Камара (Джексон, 57), Гана Гуйе, Диарра (Гуйе, 57), Мане, Сарр (Диао, 81), Мбай (Ндиай, 57).
Ироқ: Базиль (Джалал, 46), Доски, Хашем, Сулака, Франс Диа, Аль-Аммари, Икбал (Якоб, 67), Байеш, Ясим (Макнзи, 58), Касем (Юнис, 16), Аль-Хамади (Юсиф, 58).
Огоҳлантиришлар: Сек (18), Гуйе (81) — Аль-Аммари (75), Доски (90).
Четлатиш: Сулака (13, Ироқ).